وطنه بيا دا ستا په خوا درځمه

په ژړا راغـــــــلم په خــــــــندا درځـــــــــــمه
وطـــــنه بيا دا ســــتا په خــــــوا درځـــــمه

سپوږمۍ که پټه شي د ورېځو منځ کــې
د مــــــــاتو ســـــتورو په رڼـــــا درځــــــمه

ډېرې مـــــــې تېرې کـــړې ناخوالې دلــته
اوس مــساپر کـــــــډه په شــــــــا درځــــمه

هــــــــره کوڅه کې مـــــــې پېغــور اورېدو
لـــــــــــه پــــېـــــغـــــــورونو راپــــنا درځمــه

خدای خو دې جوړه کړه زما جونــــګړې
دا ســــــتا له غېږې وم جـــــــــدا درځـــمـه

خيبر دې ژاړي که يې زړه خــــــــــوږيــږي
نه پاتــــــې کــــــــېږم خــــــــــــامخا درځمـه

هيواد دې کړي د جګو غرونو ارمـان
کـــــه نن شو نن - کـــه نه سبا درځـــمه