د ښاغلي ولايت خان "ځدراڼ" شعرونه

 د شعرونو لومړۍ پاڼه

کـــور

Home

 
نوې هيلې

هيلې مو نوې اميدونه نوي
په خوله مو راغلل اوازونه نوي

تېرو وختو ته الويدا ؤوايئ
اوس خو راغلي دي وختونه نوي

چې مو زاړه زخمونه هېر کړي رانه
اخنده جوړ کړه تعويذونه نوي

کرکې ناخوالو پسې اور پورې کړئ
حجرو ته راوړئۍ مجلسون نوي

نوی داستان نوې نغمې خورې کړئ
راوړئ چنبې او روبابونه نوي

د ''نوې هيلې''
( ۱ )  د محفل يارانو
ورسره جوخت کړئ کاروانونه نوي

بلبلو نوې ترانې زده کړي
خدايه ته وسپړې ګلونه نوي

خو بيا يو سوال زما غريب ومنئ!
پښتو ته ګډ نه کړئ لفظونه نوي

هغه شډله پښتو ښه ښکاريږي
ځدراڼه،پرېږده لغتونه نوي
-------------------------------
(۱) : په سويډن کې د نوې هيلې د خپرونې د پينځمې کليزې په ياد

  د ښاغلي ولايت خان "ځدراڼ" شعرونه

د شعرونو لومړۍ پاڼه


 

ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي !
 که د "هيواد" په هکله  کومه پوښتنه يا نيوکه لرئ د "هېواد" د مسئولې ډلې سره په تماس کې شئ.