د ښاغلي عبدالله (څار ) شعرونه

 د شعرونو لومړۍ پاڼه

کـــور

 

غــــــزل

يوڅوک دي ټوله شپه خداى تر سهاره يادوي
يو څوک يې دمنصور غوندې تر داره يادوي
يو څوک دې په سپين غر زړګي بمونه وروي
يو څوک دې په خوبو کې ننګرهاره يادوي
يو څوک له ما هم ډېر پر تا مئين دى او که څنګه ؟
يو څوک دې په هر ځاى کې راته ياره يادوي
يو (( څوک )) درباندې نوم دخپل معشوق ليکي ژور
يو څوک دې په شعرونو کې چيناره يادوي
يو څوک دجانان ، نيم ، نوم راته اخلي زوروي مې
يو څوک يې راته شونډو کې کراره يادوي
يوڅوک مې خوب ته نه پريږدي، داستوري په ما شمېري
يو څوک دې راته هره شپه نګاره يادوي
يو څوک که دې نن سيورى په غونډارو باندې ولي
يو څوک به دې ضرور يو ورځې " څاره "
يادوي


 

د ښاغلي عبدالله (څار ) شعرونه

د شعرونو لومړۍ پاڼه


 

ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي !
 که د "هيواد" په هکله  کومه پوښتنه يا نيوکه لرئ د "هېواد" د مسئولې ډلې سره په تماس کې شئ.