د ښاغلي عبدالله (څار ) شعرونه

 د شعرونو لومړۍ پاڼه

کـــور

 

                    غزل

 

را پاتې له جانانه دي يادګار دپلونو نښې
بارانه ! ورانې نه کړې په دې لار دپلونو نښې
د اټوله شپه چې زه او سيورى ښکته پورته ګرځو
شميرو موږ له ماښامه تر سهار دپلونو نښې
دا سترګې مې له اوښکو نه تل ډکې لرې خدايه
خړوبې چې پرې کړمه دخپل يار دپلونو نښې
دمېنې نوم به هله دهر چا پر شونډو کېنې
په وينو باندې رنګ چې شي په دار دپلونو نښې
ګودره : وايه څه شوې ، پېغلې څه شوې ، منګي څه شول ؟
تر تا رارسيدلي دي کتار دپلونو نښې
يو څو څاڅکې رڼا دې په دې څانګو کې را توى کړه
سپوږمۍ ! کړې رانه پټې دنګ چنار دپلونو نښې
يه وخته په کراره بوړبکۍ ته غوږ کې وايه
را پرېښې امانت دي چا په شمار دپلونو نښې
شمال له شګو واخيستل ، څپو ته يې ګوذار کړل
ديار دنامه تورې ، او د ( څار ) دپلونو نښې
 


 

د ښاغلي عبدالله (څار ) شعرونه

د شعرونو لومړۍ پاڼه


 
 

ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي !
 که د "هيواد" په هکله  کومه پوښتنه يا نيوکه لرئ د "هېواد" د مسئولې ډلې سره په تماس کې شئ.