غــــــزل

چې څومره راته کم ګورې روانه زمانه
بس هومره ده والله چې موږ ته ګرانه زمانه
اوس هره شېبه ، هر نظر په تريو تندي راګوري
يو وخت به راته شنه وه له خندا نه زمانه
بانه غواړي ، يو بل ته مو دې زړونو لاري کړي
پخلا دې ما ، او يار کړې نور ، اسمانه  !  زمانه
راځه ( الف ، ب ، ت ) نه ترې سبق دمينې پيل کړو
دمينې ښه استاذه ده ، انــــسانه  !   زمانه
چې چا يمه وژلى ، دچا نوم اخيستى نه شم
زما خون به اخلي خداى خبر له چانه  زمانه ؟
حالاتو اوس ځپلى يم ، اشنا که نه والله چې
يو وخت پر ما مئينه وه جانانه زمانه

چې کله ورته مينه ښايې ، کله ورته کرکه
يو راز لري له ( څار ) سره پخوانه زمانه