د ښاغلي اسد "شريفي" شعرونه

 د شعرونو لومړۍ پاڼه

کـــور

 

د ژوند اوښت

څومره بې خبره تېر شو زما عمر
د هر چا له ذهنه هېر شو زما عمر

د فنا باد يې آخر كړې ريښې لوڅې
كه تر سختو كاڼو زېر شو زما عمر

ځكه سر يې دجفا ورسره واخيست
دګردون خوله كې ګنډېر شو زما عمر

كلك تړون يې له عقبا سره بسته كړ
ددنيا له چارو سېر شو زما عمر

وفا نه وه په ګلونو ددې باغ كې
كه هر څومره ترې چاپېر شو زما عمر

خپل عمل قضا ته ور كړ لاس تړلى
كه هر څو لاس په شمشېر شو زما عمر

ګردون ور نه كا مهلت ورته يارانو
كه پسه شو او كه شېر شو زما عمر

 د ښاغلي اسد "شريفي" شعرونه

د شعرونو لومړۍ پاڼه


 

ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي !
 که د "هيواد" په هکله  کومه پوښتنه يا نيوکه لرئ د
"هېواد" د مسئولې ډلې سره په تماس کې شئ.