د شعرونو لومړۍ پاڼه
کـــور
پرېښود چې ايمان يې د روپو په سر نن هغه درانه ځي د اوبو په سر
ډېرو په اُجرت بې ګناه قتل کړل ډېر ماړه موړ ژوند کوي د مړو په سر
يو خوا ژاړي مشر مې لوټ شوی کور بل خو لاس وهي د خپلو غلو په سر
سر مُحتاجه ! تا هغوی ته ښکته کړو خپل سر ماتوي چې د پيسو په سر
صيب د هر دفتر په سره غرمه راځي کېنئ مُنتظر ورته د پښو په سر
پړق په تور اسمان کښې د عربو شو تندر شو ګوزار د پښتنو په سر
د ښاغلي روغاني شعرونه
ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي ! که د "هيواد" په هکله کومه پوښتنه يا نيوکه لرئ د "هېواد" د مسئولې ډلې سره په تماس کې شئ.