د ښاغلي ايمل "پيروز" شعرونه

 د شعرونو لومړۍ پاڼه

کـــور

Home

 
د مینې په خمار یان

لا بی خوده ستا د مینې په خمار یو
لا هم ستا په آستانه سجده ګزار یو

ما دردونه په درمل ندي پلورلي
لا د غشو د زخمونو خریدار یو

ناصحان چې «عاقبت – عاقبت» وايي
موږ لا چیرې دی خبرو ته وزګار یو

ستا دا سر به مو خلاس کړی وی ناصحه
خو ژوند درومي، یو څه موږ هم په تلوار یو

چې د یار ذکر په خیر پکې یادیږي
بس د هغې خولی خبرو ته جار – جار یو

خیر که نن مو قسمتونو لار تړلی
عمر شته دی، هیلی شته دي، انتظار یو

که قسمت مې ماتؤلو ته زړه ایښې
موږه هم ورته ویده نه یو، بیدار یو

د ښاغلي ايمل "پيروز" شعرونه

د شعرونو لومړۍ پاڼه


 

ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي !
 که د "هيواد" په هکله  کومه پوښتنه يا نيوکه لرئ د "هېواد" د مسئولې ډلې سره په تماس کې شئ.