د شعرونو لومړۍ پاڼه
کـــور
له خوشحاله تر ننګياله
مالي راشه اغزو د زړه په ګل وهلی يم ((سقاو)) په زړې تورې د (( مغل )) وهلی يم
رقيب به مې د زړه له وينو تشه (( ژۍ )) کړي ډکه خو سر مې د اېل نه دی که يې سل وهلی يم
يو ګل څه په کمڅو کې د پښتو د ناوې نه يم ناره د (( اناالحق )) يې په کاکل وهلی يم
حيران يم د (( اکبر )) پر مړي بيا څه فساد وشو پرديو مې د خپل کور په درشل وهلی يم
تقدير به مو وي داسې د ( خوشحاله ) تر ( ننګياله ) همدا چې کله غيرو کله خپل وهلی يم
کابل ۷/۱۰/۱۳۷۴
د ارواښاد اسحاق ننګيال شعرونه
ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي ! که د "هيواد" په هکله کومه پوښتنه يا نيوکه لرئ د "هېواد" د مسئولې ډلې سره په تماس کې شئ.
