يادونه

 

بيا مې ياره ستا يادونه رايا ديږي

 مين زړه مې بيا نرى ، نرى خوږيږي

 

هره شپه دې په خوب وينم چې پخلا يې

 چې راويښ شم د بېلتون سيلۍ لګيږي

 

ترهغه به مې ستا ياد په زړه کې ګرځي

 څو مې وينه په  رګونو کې چليږي

 

غماز بيا په لاره شين په خندا تېر شو

 نه چې ستا له لورخبر ورته رسيږي

 

ستا په عشق کې وړ د واړو د زړه سوي شوم

 مګر ستا، په حال زما زړه نه سوځيږي

 

هر يو غم يې چې په ورين تندي منلی

 "منتظر"  په انتظار د تا اوسيږي

 

تاشکند