غزل

 زړه خو عالمګیر دی چې دا ولې دی ؟
بیا هم پرې تاثیر دی چې دا ولې دی؟

دې وړېِ مُریدې ته مې تل د زړه
لاس په نا مه پیر دی چې دا ولې دی ؟

ما او تا، په زړونو، ارمانونو کې
څومره لوی توپیر دی چې دا ولې دی؟

لر او بر (خو دواړه د یوې مور بچي.... )
مینځ کې ېې ځنځیر دی چې دا ولې دی؟

نور مې په هر ښکلي ستوری بره دی
یو له تا زهیر دی چې دا ولې دی ؟

څه چې د هغې برخه ...... زما برخه
یو شان مو تقدیر دی چې دا ولې دی؟

ته خو ای ارمانه دومره ښه نه ېې
پاک چې دې ضمیر دی چې داولې دی؟