د ارواښاد خاطر اپريدي  شعرونه

 د شعرونو لومړۍ پاڼه

کـــور

 

غزل

ما په مثال لکه پتنګ وګڼه
ته دې د شمعې غوندې رنګ وګڼه

که مې کوثر شولو نصيب د ديدن
بيا مې شهيد د عشق په ننګ وګڼه

ځمکه بستر، وي لېونو ته مدام
زړګيه ته يې هم پالنګ وګڼه

لکه چې  څومره ستا غمونه دي ډېر
پراته مې ټول په زړګي زنګ وګڼه

خاطر کچکول د ګډا واخستلو
آشنا ديدن په ځان قلنګ وګڼه
 

 

د ارواښاد خاطر اپريدي  شعرونه

د شعرونو لومړۍ پاڼه
 

ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي !
 که د "هيواد" په هکله  کومه پوښتنه يا نيوکه لرئ د "هېواد" د مسئولې ډلې سره په تماس کې شئ.