د ښاغلي پيرمحمد " کاروان " شعرونه

 د شعرونو لومړۍ پاڼه

کـــور

 

غزل

يمه کاڼی ته راګوره چې اوبه شم
غوټۍ ګل شه چې د پاڼو رنګ دې زه شم
چې ستا اوښکې کړمه تورې ملغلرې
د رنجو ډبره يم زه به رانجه شم
جار نطر دې راته جام ډيوه ډيوه کړ
دغه جام به څښم چې زه د نور مارغه شم
يو دشپې ځلنده ستوری مې ريبار دی
ډېرې شپې به له سپوږمۍ سره ويده شم
اجازه ده چې جارو درنه غبار کړم
اجازه ده چې د سترګو دې باڼه شم
ښکلوم دې نه ،څه دومره ګستاخ نه يم
بس يوه خوږه مو سکابه دې په خوله شم
يو ملنګ د زمانې يمه  " کاروانه  "
خدای خبر دی چې پاچا ته ور په زړه شم

 


 

د ښاغلي پيرمحمد (کاروان ) شعرونه

د شعرونو لومړۍ پاڼه


 

ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي !
 که د "هيواد" په هکله  کومه پوښتنه يا نيوکه لرئ د "هېواد" د مسئولې ډلې سره په تماس کې شئ.