د ښاغلي پيرمحمد " کاروان " شعرونه

 د شعرونو لومړۍ پاڼه

کـــور

 

 

غزل

کټ کټ خاندې ارمان چیرته درنه ورک دی
لیونیه ګریوان چیرته درنه ورک دی

زمزمه نیمه راواخلې بیا یې پریږدې
د سندرو دیوان چیرته درنه ورک دی

نن موسکی لکه ایمان یې در وری شم
راته ګرانه ګومان چیرته درنه ورک دی

دا چې وچ ګلونه ګورې ورته خاندې
د سرو اوښکو باران چیرته درنه ورک دی

پر تا راغلم ،راته ګورې او غږ نه کړې
هغه جار او قربان چیرته درنه ورک دی

دا څیرو ته چې ځیر ګورې او بیا تښتې
ځان دې چیرته ، جانان چیرته درنه ورک دی

په اغزیو کښې د ګل غوندې روانه
لږ راتم شه کاروان چیرته درنه ورک دی


 

د ښاغلي پيرمحمد (کاروان ) شعرونه

د شعرونو لومړۍ پاڼه


 
 

ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي !
 که د "هيواد" په هکله  کومه پوښتنه يا نيوکه لرئ د "هېواد" د مسئولې ډلې سره په تماس کې شئ.