د ښاغلي هېواد شېرزاد شعرونه

 د شعرونو لومړۍ پاڼه

کـــور

 

غزل

مینتوبه، مینتوبه، مینتوبه
زه دې ایستی یم له خوبه، مینتوبه


کيسه پيل شوه د هغې له پېغلتوبه؟
که زما له زلميتوبه، مينتوبه


د اشنا لپاره سل ځلې قسم خورم
تا رازده کړه هره لوبه، مینتوبه


اوس به زېړ يم، له پخوا نه داسې نه وم
دا به وي د چا له روبه، مينتوبه


په هر ښکلي مخ کې مخ د جانان وينم
درنژدې يم لېونتوبه، مينتوبه


يوه ورځ به هېواد تا باندې تاوان وي
ترېنه اخلې ساه ورو، ورو به، مینتوبه
 


 

د ښاغلي هېواد شېرزاد شعرونه

د شعرونو لومړۍ پاڼه


 

ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي !
 که د "هيواد" په هکله  کومه پوښتنه يا نيوکه لرئ د "هېواد" د مسئولې ډلې سره په تماس کې شئ.