د ښاغلي هېواد شېرزاد شعرونه

 د شعرونو لومړۍ پاڼه

کـــور

 

غزل


خاموشي مې درته راوړه سمندره
سخت تنها يم، راکړه غاړه سمندره

زما ژوند لکه د سپين کاغذ مخونه
شابه، اوس يې راته ژباړه سمندره

په څپو کې دې د زړه درد محسوسيږي
درته ژاړم، راته ژاړه سمندره

ستا نه پورې يو ملنګ سړی اوسېږي
کله کله يې درغواړه سمندره

زه دردمن يم او ته درد له خلکو اخلې
ښه جوړېږو مونږه دواړه سمندره

چې به تاته هېواد شپې رڼې کولې
اوس ترې هغه مستي لاړه سمندره
 


 

د ښاغلي هېواد شېرزاد شعرونه

د شعرونو لومړۍ پاڼه


 

ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي !
 که د "هيواد" په هکله  کومه پوښتنه يا نيوکه لرئ د "هېواد" د مسئولې ډلې سره په تماس کې شئ.