د شعرونو لومړۍ پاڼه
کـــور
د سوګندونو ماتېدل
په تورو زلفو زنګېدل زده کوو ډکو پيالو کــــــې لمبېدل زده کـوو مــونږه د ښکلو له نظره ورک يو ځکه يې زړو کې اوسېدل زده کوو دا ازلي ژړا مــــــو ډېره وکـــــــړه راځـــــئ! ملګرو خندېدل زده کـــــوو چې يې الزام د مينې راکړلو نو- خـود به په دار باندې ختل زده کوو نه ځو د نورو په رڼا پسې نور پخــــپله شمعه ســــــوځېدل زده کوو خير دی که لمر زمونږ نه کډه شولو اوس په رڼــا د ستورو تلل زده کوو نور مو د صبر بېړۍ ډوبه شوله د ســــــــوګندونو ماتېدل زده کـــــوو " هېواده " مسته ميکده راښيه د زړه د للــــمو اوبېدل زده کــــــوو مالمو ــ سويډن
د ښاغلي هېواد شېرزاد شعرونه
ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي ! که د "هيواد" په هکله کومه پوښتنه يا نيوکه لرئ د "هېواد" د مسئولې ډلې سره په تماس کې شئ.
