موسم بدل دی ښايي تللي مارغان بېرته راشي
و خپل وطن ته د کډوالو کاروان بېرته راشي

ستا ولونه ولونه زلفې وباسم له خپله خياله
يو ساعت پس که ګورم دغه ماران بېرته راشي

بېلتونه ! دا ځل دې نو عمر دومره لنډ شه، چې زه
په لمن اوښکې پاکوم او جانان بېرته راشي

چرته که کاڼی او تندی بيا سره وجنګېدل
منځ ته به زخم د ګواښ کړوني په شان بېرته راشي

دروېشه  داسې به ونه شي چې زموږ هديرې
سپين ږيري وګرځوي ټول او ځوانان بېرته راشي