د ښاغلي دروېش "دراني" شعرونه

 د شعرونو لومړۍ پاڼه

کـــور

 

چا دی لوټلی ستاسې کور او تللی پل دی چېرته
دومره مو هم معلومه نه کړله چې غل دی چېرته

ته لګيا اوسه، د دښمن د تــُـورې څوکه څاره
که څه هم دا معلومه نه ده چې اجل دی چېرته

لوګی يې پاته دی زما پر دېوالونو باندې
خو دا ساعت هغه څراغ ګوره چې بل  دی چېرته

د ژوندانه په تاوده لمر کې تر آخره موږ ته
معلومه نه شوله چې سيوری د اوربل  دی چېرته

دروېش که خوله له ياره واخلي، ورته ښه به وايو
موږ دی ستايلی چا چې کړی نيک عمل  دی چېرته

د ښاغلي دروېش "دراني" شعرونه

د شعرونو لومړۍ پاڼه


 

ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي !
 که د "هيواد" په هکله  کومه پوښتنه يا نيوکه لرئ د "هېواد" د مسئولې ډلې سره په تماس کې شئ.