د شعرونو لومړۍ پاڼه
کـــور
غزل د زلفو شپو کښې د مخ نور مه تړه موسی ته لار د کوه طور مه تړه وخته سوري د زندان ټول وتړه خو لاس او پښې مې د شعور مه تړه رام کړه ملا اوس بغاوت د جذبو ما درته نه وېل چې منصور مه تړه ؟ زړه به پخپله مړ کړې ، ګوره ډېر یې په زرین تار کښې د سرور مه تړه د کوثر سیند به ټول در پرېږدو شیخه خو بند اوبو ته د انګور مه تړه پرېږده چې ستا د تصور انار خوري دومره هم خیال د خپل رنځور مه تړه ښکلي آزاد پرېږده چې زړه وړي درنه درمله مخه د دې چور مه تړه ۱۳۸۴ / ۶ / ۲۴ پیښور
د ښاغلي احسان الله درمل شعرونه
ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي ! که د "هيواد" په هکله کومه پوښتنه يا نيوکه لرئ د "هېواد" د مسئولې ډلې سره په تماس کې شئ.
