د شعرونو لومړۍ پاڼه
کـــور
لمن مې سپينه ده په پورې غره د واورې په شان کړې مې مينه ده په پورې غره د واورې په شان
چاته به څه وايم چې څنګه ښکلې، څومره ښکلې؟ ليلا حسينه ده په پورې غره د واورې په شان
زما په قتل سپين لمنی وخت هيچا ونه نيو نه چې مې وينه ده په پورې غره د واورې په شان
رانه يې زړه وړی ګومان مې شي کوچۍ ده پېغله او که دېشينه ده په پورې غره د واورې په شان
رقيبه ګوره ورته، ستا په کتو څه به يې کم دومره سنګينه ده په پورې غره د واورې په شان
باغ کې سهار پر ګلو پرخه ورته کله رسي؟ په تن ورېښمينه ده په پورې غره د واورې په شان
محفل ته راغله بېکسياره! ور کتلای نشم داسې وړانګينه ده په پورې غره د واورې په شان
د ښاغلي عبدلمالک "بېکسيار" شعرونه
ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي ! که د "هيواد" په هکله کومه پوښتنه يا نيوکه لرئ د "هېواد" د مسئولې ډلې سره په تماس کې شئ.