کـــور
│
د ښاغلي عبدلمالک "بېکسيار" شعرونه
غزل
اوښکې دي سلګۍ دي او د تورو کاڼو غر دی ستا د نوم اننګۍ دي او د تورو کاڼو غر دی زه تيګا تيګا يمه او ژوند مزل مزل ټول څه ځوانيمرګۍ دي او د تورو کاڼو غر دی پورې د ځوځانو کروند ، دې خواته چينه ده زرکې دي هګۍ دي او د تورو کاڼو غر دی دا ځل به ظالم نه اشنا خدايږو که بچ پاتې بره نه برګۍ دي او د تورو کاڼو غر دی يه خدايه دې شاړو کې دا خلک ژوندي څنګه؟ شاړې زندګۍ دي او د تورو کاڼو غر دی نه ساقي نه جام شته بېکسياره نه اشنا شته شپې د بندګۍ دي او د تورو کاڼو غر دی
ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي ! که د "هيواد" په هکله کومه پوښتنه يا نيوکه لرئ د "هېواد" د مسئولې ډلې سره په تماس کې شئ.