د ښاغلي عبدلمالک "بېکسيار" شعرونه

 د شعرونو لومړۍ پاڼه

کـــور

 

غزل

ښکلې دا څرنګه وږمه شوې چې چا ونه ليدې؟
د ښاپېرو د باغ کيسه شوې چې چا ونه ليدې؟

پر لاره پل دې لا تازه  و  لا پرې ګرد نه  و پروت
خدايږو چې تېره څه شېبه شوې چې چا ونه ليدې؟

د وصل خياله چېرته وې خو اورېدلي مې دي
جوړ حقيقت وې هنګامه شوې چې چا ونه ليدې؟

يه نامراد سپرله، يه زما بې وسې ځوانۍ
تېر په څه داسې تلوسه شوې چې چا ونه ليدې؟

ښکلې راتلې پدې لار ټوله فضا مسکه وه نن
خو دا چې کومې نه ستنه شوې چې چا ونه ليدې؟

د "بېکسيار" د سوي ژوند د ارمانونو سپوږمۍ
هسکه په هسې توره شپه شوې چې چا ونه ليدې؟

د ښاغلي عبدلمالک "بېکسيار" شعرونه

د شعرونو لومړۍ پاڼه


 

ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي !
 که د "هيواد" په هکله  کومه پوښتنه يا نيوکه لرئ د "هېواد" د مسئولې ډلې سره په تماس کې شئ.