د ښاغلي  سفي الله  "باران"  شعرونه

 د شعرونو لومړۍ پاڼه

کـــور

 

غزل

تمامه شپه کړم ويښه تر سهاره ستا تصوير ته
ايله يو څو خبرې وکړم ياره ستا تصوير ته

وخت ښه درنه څپېړه په مخ راکړي او ته نه يې
په کريغو، کريغو وژاړم نا چاره ستا تصوير ته

کوچنيانو چې په ښه لمنه کاڼو بدرګه کړم
نري، نري خندل مې ټوله لاره ستا تصويرته

نور ټول ليوني لاړ شي خپل ميالي بابا ته پنډ شي
زه څيرې ګريوان راوړم،زړه پرهاره ستا تصوير ته

که خداى چېرې په مينه کې سجده واى رواکړې
دا سر به مې اوس ايښى وه څو واره ستا تصوير ته
 
باران ته يې د خپل جانان قامت هله په زړه شي
چې سيندکې کله وګوري چيناره ستا تصوير ته

 د ښاغلي  سفي الله  "باران"  شعرونه

د شعرونو لومړۍ پاڼه


 

ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي !
 که د "هيواد" په هکله  کومه پوښتنه يا نيوکه لرئ د
"هېواد" د مسئولې ډلې سره په تماس کې شئ.