د اغلې بلينډې "بدرۍ" شعرونه

 د شعرونو لومړۍ پاڼه

کـــور

Home

 
غزل

 

زرغون مې په زړګي د ارغوانو په شان توري
اي خدايه ته پاله د جنتيانو په شان توري

چې نوم دې کله هم په پاڼه وتراشم غزل شي
راځي پسې بس نور د مريدانو په شان توري

غورځي وهي اتڼ مې تل د خيال په لوی  ډګر کا
زمونږ د غره ياغي باغي ځوانانو په شان توري

پراته مې تصور کې ددې سيند له شګو ډېر دي
ياقوتو په شان توري، د مرجانو په شان توري

زه څنګه په سندرو به مې غټه تيږه کېږدم ؟
راګوري د يتيمو ماشومانو په شان توري

سندرې به مې خود له ( لېوني ) نه زر هېريږي
زما د هر غزل دي د کوچيانو په شان توري

ګېډۍ ګېډۍ خو ځکه ترانې کړمه را ټولې
چې تل مې هڅوي د شاعرانو په شان توري

ټپې د " بلينډې " چا په سيتار کې زنګولې
په کلي ورېدل ېې د ګلانو په شان توري

د اغلې بلينډې "بدرۍ" شعرونه

د شعرونو لومړۍ پاڼه


 

ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي !
 که د "هيواد" په هکله  کومه پوښتنه يا نيوکه لرئ د "هېواد" د مسئولې ډلې سره په تماس کې شئ.