|
ګواښ
ما به د اوښکو ډنډ کې نه لمبوې ما به د ساندو په سوز نه سوځوې زه د لمبو په تل کې سور سمندر ما به د څرې په اور نه ویروې زه د یرغل او د بریو ستړي ما به د جنګ ډګر ته نه هڅوې زه د لوټ شوي سر منزل لاروی ما به د جل په ځلا نه غولوې زه د سجدو او پرستش نه بېزار ما به د چا پښو ته نه ټیټوې زه د تقدیر ليکو ته اور د نیستۍ ما به په دغو لومو نه بندوې زه د اجل په کاله چغه د مرګ ما به د مرګ په قاصد نه ګواښوې زه په څپانده سمندر کې ماڼو ما به په زوږ د نسیم نه تخنوې زه مې د ژوند څراغ ته اور لټوم لکه نړۍ ځانته لوی کور لټوم |
 |
|||
| د ښاغلي اسدلله "زمري" شعرونه | |||
|
|||
