کـــور

د شعرونو لومړۍ پاڼه

   د ښاغلي جلال  " امرخېل "  شعرونه
 

غزل

لکه تياره مې د رڼا ، تصوير ته ډېر وژړل
نن مې د هغې بې وفا ، تصوير ته ډېر وژړل

ما په اول ځل د يو چا تصوير کې ځان وليده
ما په اول ځل د يو چا ، تصوير ته ډېر وژړل

دلته يو څوک چې زما د زړه تصوير يې واخيست
دلته يو څوک و چې يې ستا ، تصوير ته ډېر وژړل

کلونه پس مې ستا تصوير وليد ، راياده مې شوې
کلونه پس مې نن شپه بيا ، تصوير ته ډېر وژړل

تا مې د خوږ زړه په پرهار پورې خندا وکړه خو
ما دې د سترګو د مسکا ، تصوير ته ډېر وژړل
 

 

ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي !
 که د "هيواد" په هکله  کومه پوښتنه يا نيوکه لرئ د "هېواد" د مسئولې ډلې سره په تماس کې شئ.