کـــور

د شعرونو لومړۍ پاڼه

   د ښاغلي جلال  " امرخېل "  شعرونه
 

غزل

جوړې خبر دی ، په زړه لاس ونيسه
اوتر اوتر دی ، په زړه لاس ونيسه
زيړ مازيګر دی ، په زړه لاس ونيسه
د غلا خطر دی ، په زړه لاس ونيسه

دا د کابل مړژواندي ښکلي نه دي
شوخ پېښور دی ، په زړه لاس ونيسه

د سترګو موج يې په ځوانۍ راغلی
مست سمندر دی ، په زړه لاس ونيسه

پام کوه پام چې درنه پرې نه وځي
د هغې ور دی ، په زړه لاس ونيسه

څوک دی ؟ چې داغ به ورله نه ورکوي
په چا باور دی ؟ ، په زړه لاس ونيسه

جلاله ! بيا د دې غلې سترګې جلۍ
په تا نظر دی ، په زړه لاس ونيسه
 

 

ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي !
 که د "هيواد" په هکله  کومه پوښتنه يا نيوکه لرئ د "هېواد" د مسئولې ډلې سره په تماس کې شئ.