د شعرونو لومړۍ پاڼه
کـــور
Home
منګی قدر يې زيات شو چې ستي شو په شرر منګی ځکه يې پيغلې جينکۍاوس وړي په سر منګی له پښو نه سره پورې واخلي خوشبويي د جونو کلاله څنګه دې جوړ کړی په هنر منګی غوږ يې د زړه درزا ته ايښی وي په ترخ کې د يار له پټو زړونو باخبر وي بې خبر منګی مور ته به څه بهانه کوې ته لا وړه يې ګلې چې د اشنا سره دې مات کړ په ګودر منګی عابده کاش چې ته کلال وای جوړول دې منګي له خپلې خټې نه دې جوړ وای د دلبر منګی
د ښاغلي بازمحمد "عابد" شعرونه
ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي ! که د "هيواد" په هکله کومه پوښتنه يا نيوکه لرئ د "هېواد" د مسئولې ډلې سره په تماس کې شئ.
