د ښاغلي بازمحمد "عابد" شعرونه

 د شعرونو لومړۍ پاڼه

کـــور

Home

 
 غزل

د سپوږمۍ چمبه راواخله، ورته ستوري په ګډا کړه
مرورې دي سندرې، لږ يې توري را پخلا کړه

په نظر راباندې وڅښه، د ښکلا د مۍ جامونه
اوږده غاړه صراحي کړه، اموخته مې په صهبا کړه

د زړګي په للمه دښته، د ارمان زړي کرمه
د باران په شان ورګږه، چګرته شنه مې تمنا کړه

تخيل کې جوړومه، ستا د مينې د ښکلا  بُت
بُتکده د خيال حرم کړه، لږ خو ما د ځان په خوا کړه

څنګه غلی ناست يې ”
بازه“ وزرونه دې خواره کړه
د کوترو سيل تيريږي، څه خو شور څه خو غوغا کړه

 د ښاغلي بازمحمد "عابد" شعرونه

د شعرونو لومړۍ پاڼه


 

ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي !
 که د "هيواد" په هکله  کومه پوښتنه يا نيوکه لرئ د "هېواد" د مسئولې ډلې سره په تماس کې شئ.