د ښاغلي بازمحمد "عابد" شعرونه

 د شعرونو لومړۍ پاڼه

کـــور

Home

 
 غزل

داسې مې اوښکو باندې ستا د کوڅې ور وينځلی
لکه باران چې بيگا ټوله شپه وي لمر وينځلی

دا چې ښکلا راته په هر څه کې څرکونه وهي
سهار وختي مې ستا په ښکلي مخ نظر وينځلی

په لاهوتي سندرو نيت تړم د مينې په نوم
د زړگي خُم مې په شرابو د کوثر وينځلی

څنگه سرور دی د بر کلي د گودر په غاړه
چا به د بنگو په وږمه وي مازديگر وينځلی

د بوډې ټال يې په وزرونو کې يو شپول جوړوي
” بازه“ د سپينې غرې په واوره يې کوتر وينځلی

 د ښاغلي بازمحمد "عابد" شعرونه

د شعرونو لومړۍ پاڼه


 

ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي !
 که د "هيواد" په هکله  کومه پوښتنه يا نيوکه لرئ د "هېواد" د مسئولې ډلې سره په تماس کې شئ.