د ښاغلي اباسين "يوسفزي " شعرونه

 د شعرونو لومړۍ پاڼه

کـــور

 

 

اورونه بل دي، خولې ارزانې، طبيبان نشته، زخمونه ډېر دي
سپوږمۍ چې ځې نو، جانان ته وايه، لا وزګار نه يم، کارونه ډېر دي

وارخطا نه يم، د ژوند مزل ته، ژوندون بلها دی، غمونه ډېر دي
زه بې له خدايه، بل څوک منم نه، کنه په سر مې، لاسونه ډېر دي

د چمن سترګي، درپسې سرې دي، يو ځلې راشه، په زړو لارو
سپرلی سمسور دی، د حسن زور دی، مارغان چغيږي، ګلونه ډېر دي

تاريخ ګواه دی، زما جلال ته، خوږو ته خوږ يم، ترخو ته تريخ يم
شمله زما ده، ميدان زما دی، که په نړۍ کې، قامونه ډېر دي

جانان اولس مې، اوده په خوب دی، ويښول غواړي، لړزول غواړي
سر پکښې نشته، بې سره ګرځي، که په شمار کې، سرونه ډېر دي

سوکړه خوريږي، چينې وچيږي، سردرې دل شوې، وطن لتاړ شو
د رب بې شانه، مهرباني ده، په
اباسين کې ، موجونه ډېر دي


 

 د ښاغلي اباسين "يوسفزي " شعرونه

د شعرونو لومړۍ پاڼه


 

ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي !
 که د "هيواد" په هکله  کومه پوښتنه يا نيوکه لرئ د "هېواد" د مسئولې ډلې سره په تماس کې شئ.